ОТ СПОРТИГА ЭЪТИБОР
Юртбошимизнинг йилқичилик ва от спортини ривожлантириш ҳамда замонавий бешкураш ва поло спорт турини оммалаштиришга алоҳида эътибор қаратаётганликлари ушбу йўналишдаги ишлар самарадорлигини кучайтирди.
Республикамиз бўйлаб ёш авлодни ушбу спорт турига бўлган қизиқишларини янада орттиришга қаратилган чора тадбирлар Миллий гвардия бўлинмалари томонидан тизимли йўлга қўйилган. Хусусан, Андижон вилоятида ҳам бу борадаги ишлар кун сайин ўзининг ижобий натижасини бермоқда. Андижон туманида жойлашган “KING HOUSE” от спорти мактабида “Ёшлар бирлашайлик” шиори остида ўтказилган уюшмаган ёшлар иштирокидаги тадбир фикримиз далилидир.
Мазкур тадбирда барча иштирокчилар от спорти турлари, учқур тулпорлар хислатлари тўғрисидаги маълумотларни мутахассислар орқали билиб олдилар.
Тадбирга ташриф буюрган Миллий гвардия қўмондонлиги ва ИИВ мутасадди раҳбарларининг ёшлар билан учрашиб очиқ мулоқотда бўлганликлари барчада катта таассурот қолдирди.
Шунингдек, Миллий гвардия ҳудудий бошқармасида от спорти секциялари ташкил қилинганлиги ва ёшларнинг мунтазам равишда ушбу спорт тури билан шуғулланишлари учун таклиф қилинганлиги иштирокчи ёшларда мотивация уйғотди десак муболаға бўлмайди.
