Ўзбекистон Республикаси Миллий гвардияси Хотин-қизлар жамоатчилик кенгаши аъзолари томонидан ҳудудий бўлинмалардаги бошланғич ташкилотларнинг фаолиятига яқиндан кўмак берилмоқда
Масъул шахслар томонидан хизмат қилаётган хотин-қизлар билан ишлаш тизимини янги даражага олиб чиқиш масаласи юзасидан чора-тадбирлар белгиланиб, Қорақалпоғистон Республикаси Оила ва хотин-қизлар қўмитаси, вилоятлар ҳамда Тошкент шаҳрида жойлашган мазкур бошқармалар билан ҳамкорликни янада мустаҳкамлаш мақсадида умумий йиғилишлар ўтказилмоқда.
Шу билан бир қаторда, бўлинмалардаги аёл ҳарбий хизматчи ва ходималарнинг аҳлоқий-руҳий ҳолатини ўрганиш юзасидан сўровномалар ўтказилиб, хотин-қизларнинг муаммолари, хоҳиш-истаклари аниқланмоқда ва уларга яқиндан ёрдам кўрсатиш ҳамда ижтимоий ҳимоя қилиш масалалари бўлинма раҳбарлари иштирокида ҳал этилмоқда.
Ўрганиш давомида Меҳрибонлик ва Оилавий болалар уйларига бириктирилган хотин-қизлар фаолияти билан яқиндан танишилди.
Шунингдек, ҳарбий хизматчи ва ходимларнинг оила аъзолари билан сайёр қабуллар ташкил этилиб, унда маиший, ҳуқуқий, тиббий, таълим ва бошқа масалалардаги мурожаатлар тингланди ва уларнинг ижобий ҳал этилиши бўйича тегишли мутасаддиларга кўрсатмалар берилди.
