Ўзбекистон Республикаси Миллий гвардияси тизимида маънавий-маърифий ишларни янги босқичга кўтариш мақсадида Миллий гвардия қўмондонлиги, Жамоат хавфсизлиги университети ва Республика Маънавият ва маърифат кенгаши томонидан “Дунёнинг мафкуравий манзараси” мавзусида республика илмий-амалий анжумани ўтказилди.
Маълумки, бугун дунёда кескин кураш ва рақобат ҳукм сурмоқда, манфаатлар тўқнашуви кучаймоқда. Глобаллашув жараёнлари инсоният учун беқиёс янги имкониятлар билан бирга кутилмаган муаммоларни ҳам келтириб чиқармоқда. Миллий ўзлик ва маънавий қадриятларга қарши таҳдид ва хатарлар тобора ортмоқда. Фақат ўзини ўйлаш, меҳнатга, оилага енгил қараш, истеъмолчилик кайфияти турли йўллар билан одамлар, айниқса, ёшлар онгига устамонлик билан сингдириляпти.
Бугунги кунда “Миллий тикланишдан – миллий юксалиш сари” ғоясини реал воқеликка айлантириш борасида салмоқли ютуқлар қўлга киритилганлиги Ватанимизнинг ёшлар масалалари билан мунтазам шуғулланиш нақадар долзарб эканлигини белгилаб беради.
Ўзбекистон Республикаси Президенти Шавкат Мирзиёев раислигида 2021 йил 19 январ куни “Маънавий-маърифий ишлар тизимини тубдан такомиллаштириш, бу борада давлат ва жамоат ташкилотларининг ҳамкорлигини кучайтириш” масалалари бўйича бўлиб ўтган видеоселектор йиғилиши юзасидан қўйилган топшириқлари ижросини Миллий гвардия фаолиятида таъминлаш мақсадида Республика Маънавият ва марифат кенгаши билан ҳамкорликда Ўзбекистон Республикаси Миллий гвардияси тизимида маънавий-маърифий ишларни янги босқичга кўтариш бўйича 2022 йил учун Йўл харитаси ишлаб чиқилган.
Муҳтарам Президентимиз Шавкат Мирзиёев таъкидлаганларидек, “Агар жамият ҳаётининг танаси иқтисодиёт бўлса, унинг жони ва руҳи маънавиятдир. Биз янги Ўзбекистонни барпо этишга қарор қилган эканмиз, иккита мустаҳкам устунга таянамиз. Биринчиси – бозор тамойилларига асосланган кучли иқтисодиёт. Иккинчиси – аждодларимизнинг бой мероси ва миллий қадриятларга асосланган кучли маънавият”.
Республика илмий-амалий анжуманидан мазкур масалага бағишланган маърузалар асосида соҳага оид таълим-тарбия тизимни такомиллаштиришга хизмат қиладиган таклиф ва тавсиялар ишлаб чиқишдан иборат.
Дарҳақиқат, Мазкур Йўл харитада белгиланган вазифа ижроси юзасидан Ўзбекистон Республикаси Жамоат хавфсизлиги университетида Миллий гвардия бошқарма бошлиқларининг ёшлар масалалари бўйича ўринбосарлари, тарбиявий ва мафкуравий ишлар органи офицерлари билан “Дунёнинг мафкуравий манзараси” мавзусида илмий-амалий анжуман ташкил этилди.
Ушбу илмий-амалий анжуманда Миллий гвардия бошқарма бошлиқларининг ёшлар масалалари бўйича ўринбосарлари, тарбиявий ва мафкуравий ишлар органи офицерлари, бир қатор ташкилот ва муассалалар, жумладан, Республика Маънавият ва маърифат кенгаши, Ўзбекистон халқаро Ислом Академиясидан профессор-ўқитувчилари иштирок этди.
Анжуманда маъруза қилган мутахассислар Жаҳон миқёсида турли қарама-қаршиликлар ва зиддиятлар тобора кескин тус олиб, экстремизм, терроризм, наркотрафик, одам савдоси, глобал пандемия каби таҳдидлар кучайиб бораётган бугунги таҳликали замонда ҳаётнинг ўзи талаб қилаётган мезонлар асосида доимо огоҳ ва ҳушёр бўлиб яшаш, курсантларни миллий ва умуминсоний қадриятлар руҳида тарбиялаш бўйича амалга оширилаётган ишлар самарадорлигини оширишга алоҳида эътибор қаратдилар.
Шу боис, Муҳтарам Президентимиз таъкидлаганларидек, «Бундай таҳликали вазиятда ҳушёр ва огоҳ бўлиб, халқимизнинг тинчлиги, мамлакатимиз манфаатларини ўйлаб яшаш» ҳар биримизнинг ҳаётий принципимиз бўлиши зарур.
Бўлиб ўтган анжуманда маърузачилар “Ахборот-мафкуравий хавфсизликни таъминлаш масалалари”, “Марказий Осиёдаги геосиёсий ва мафкуравий жараёнлар”, “Бугунги дунёни мафкуравий манзарасининг ўзгариш тенденцияси” каби маърузаларида Миллий гвардия бошқарма бошлиқларининг ёшлар масалалари бўйича ўринбосарлари, тарбиявий ва мафкуравий ишлар органи офицерларининг келгуси фаолиятлари учун қимматли маълумотлар берилди. ўзларининг қизиқарли ва мазмунли чиқишлари билан иштирок этдилар. Анжуман якунида маърузачиларга Миллий гвардия қўмондонлигининг ташаккурномаси ва эсдалик совғалари топширилди. Конференция якуни бўйича якуний қарор қабул қилинди.
