Пойтахтимиздаги умумий ўрта таълим мактабларида ташкил этилган “Ёш гвардиячилар” ихтисослаштирилган синфлари ўқувчиларининг ваъда бериш қасамёди тантанали ўтказилди
Мактабгача ва мактаб таълими вазирлиги билан ҳамкорликда ўқувчи ёшларни Ватанпарварлик руҳида тарбиялаш, уларнинг билим салоҳиятини ҳамда ҳарбий соҳага бўлган қизиқишини янада ошириш мақсадида мактабларда “Ёш гвардиячилар” ихтисослаштирилган ҳарбий ватанпарварлик синфларини ташкил этиш бўйича қўшма қарор қабул қилинган эди.
Бугун мазкур қарор асосида республикамиз бўйлаб бир қатор умумий ўрта таълим мактабларида “Ёш гвардиячилар” синфлари босқичма-босқич ташкил этилмоқда.
Хусусан, пойтахтимиздаги “Ғалаба боғи” ёдгорлик мажмуасида мазкур ихтисослаштирилган синф ўқувчиларининг ваъда бериш қасамёдига бағишланган тантанали тадбир ҳам юқори шукуҳда бўлиб ўтди.
Маросимда Миллий гвардия Марказий девони масъул раҳбарлари, тегишли мутасаддилар, мактаб маъмурияти, ўқувчилар ҳамда уларнинг ота-оналари ва фахрий меҳмонлар иштирок этишди.
Мазкур тадбир давлат мадҳиясининг ижроси билан бошланди ҳамда сўзга чиққанлар, ёш гвардиячиларни табриклаб, уларнинг келгусидаги ўқишларига, муваффақиятларига ишонч билдиришди.
Шундан сўнг, ўқувчи ёшлар томонидан ўзларининг масъулиятларини англаган ҳолда келажакда чуқур билим эгаси бўлишда ва ватанимизга садоқатли ҳамда жамият учун фойдали шахс бўлиб етишишда бор куч-ғайратини сафарбар этишга тантанали ваъда беришди.
Учрашув сўнгида Миллий гвардия ҳарбийларининг жанговар кўргазмали-ҳарбий ҳамда Жамоат хавфсизлиги университети курсантларининг сафона чиқишлари намойиш этилди.
