Пойтахтимизда “Қўриқлаш” бошқармаси ходимлари томонидан жиноят содир этганликда айбланиб, қидирувда бўлган шахслар қўлга олинди.
Жорий йилнинг 27 май куни соат 11.14 да Тошкент шаҳар ИИББ Ситуацион марказидан олинган маълумотларга кўра, Юнусобод тумани 7-мавзеда жойлашган “Корзинка” супермаркети ёнида “Қўриқлаш” бўлими ходимлари томонидан Жиноят кодекси 167-модданинг 1-қисми (Ўзлаштириш ёки растрата йўли билан талон-тарож қилиш) билан жиноят содир этишда айбланиб, Ўзбекистон Республикаси Ички ишлар вазирлиги томонидан қидирувда бўлган 30 ёшли У.С. қўлга олинган. Шундан сўнг, фуқаро ўрнатилган тартибда ИИБга топширилган. Мазкур ҳолат бўйича суриштирув ишлари Юнусобод тумани ИИБ ходимлари томонидан олиб борилмоқда.
Шунингдек, жорий йилнинг 29 май куни соат 10.19 да Тошкент шаҳар ИИББ Ситуацион марказидан олинган маълумотларга кўра, Чилонзор тумани 1-мавзеда жойлашган “Ҳавас” супермаркетида“Қўриқлаш” бўлими ходимлари томонидан Ўзбекистон Республикаси Жиноят кодекси 168-моддасининг 2-қисми (“Фирибгарлик”) билан жиноят содир этганлиги учун Ички ишлар органлари томонидан қидирувда бўлган 1949 й.т фуқаро Т. Р. қўлга олинган. Т.Р ўрнатилган тартибда Чилонзор тумани ИИБга топширилган ва ҳозирда мазкур ҳолат бўйича суриштирув ишлари олиб борилмоқда.
