ОТ СПОРТИ БЎЙИЧА ҲАЛҚАРО ТУРНИРДАГИ НАВБАТДАГИ ҒАЛАБА МУБОРАК
Жорий йилнинг 28-30 май кунлари Қирғизистон Республикасининг Бишкек шаҳрида от спорти конкур йўналишидаги “FEI Jumping CSIO1*-W World Cup Eurasian League и FEI Jumping Nations Cup” халқаро мусобақаси бўлиб ўтди.
Мазкур мусобақанинг Гран При 150 ҳамда 130 м баландлигида терма жамоамиз спортчи чавандозлари юқори ўринларни қўлга киритдилар. Мусобақанинг якуний натижаларига кўра Ўзбекистон миллий терма жамоаси 1 ўринни қўлга киритган бўлса, 2 ўрин Россия Федерациясига ва 3 ўрин Қирғизистон Республикаси чавандозларига насиб этди.
Хабарингиз бор мазкур от спортининг тўсиқлардан сакраш тури бўйича нуфузли CSIO1-W "FEI Jumping World Cup" ва CSIO 3* "LONGINES FEI Jumping Nations Cup" халқаро турнири биринчи босқичи 22-25 апрель кунлари мамлакатимизда бўлиб ўтиб Тошкент шаҳри илк маротаба мезбонлик қилган эди.
Ушбу халқаро мусобақа бешта босқичдан иборат бўлиб, биринчи босқичи юқорида таъкидлаганимиздек Ўзбекистонда (22-25 апрелда) бўлиб ўтган бўлса, иккинчи босқичи Қирғизистонда (28-30 май кунлари) ўтказилди ва қолган босқичлари Қозоғистон Республикаси ва Россия Федерациясида бўлиб ўтади ва у ерда биринчи учликга кирган жамоа Испанияда Барселона ва Америка қитъасида бўлиб ўтадиган мусобақаларга йўлланма олишади.
Миллий терма жамоа таркибида 20 нафар спортчи иштирок этиб улардан 6 та чавандоз юқори натижаларни кўрсатиб келмоқда.
Улар От спорти федерацияси чавандозлари Курбанов Бекзод ва Туякбаев Нуржан ҳамда Миллий гвардия от спорти бўйича республика олий спорт маҳорати мактабининг чавандозлари Умид Камилов, Саидамирхон Тургунбаев, Бахромжон Газиев ва Азам Толибаевлар бўлиб, ўзларига бириктирилган отларни моҳирона бошқарган ҳолда ҳолда Финалга йўлланма олишда ўз ҳиссаларини қўшиб келмоқдалар.
Спортчиларимизга кейинги босқич мусобақаларида ҳам зафарли йўлларни тилаб қоламиз.
