ҚАЛБАКИ АКЦИЗ МАРКАЛИ АЛКОГОЛЬ МАҲСУЛОТЛАРИНИ СОТАЁТГАН УДДАБУРОН ФОШ ЭТИЛДИ
Хоразм вилоятида олинган хабарлар асосида вилоят Божхона бошқармаси, Миллий гвардия ва ИИБ ходимлари ҳамкорлигида тезкор тадбир ўтказилди.
Тезкор тадбир давомида Урганч туманида яшовчи фуқаро О.А. шартли харидорга бир хил рақамли акциз маркалар билан қадоқланган, 0,45 литрлик ҳажмдаги жами 444 шишада умумий қиймати 9,3 миллион сўмлик ароқ маҳсулотларини ноқонуний равишда сотган вақтида ашёвий далиллар билан қўлга олинди.
Ўтказилган дастлабки суриштирув ҳаракатлари давомида алкоголли ичимликлардаги акциз маркалар рангли принтерда тайёрланиб, қалбакилаштирилганлиги маълум бўлди.
Ҳозирда мазкур ҳолат юзасидан фуқаро О.А га нисбатан Ўзбекистон Республикаси Жиноят Кодексининг 176–моддаси 1–қисми билан жиноят иши қўзғатилган.
