ҚИМОРХОНА ФОШ ҚИЛИНДИ
Наманган вилоятида соҳа вакилларидан иборат ҳамкорликдаги ишчи гуруҳ томонидан маҳаллалар кесимида амалга ошираётган ишлар натижасида фуқаролар мурожаатлари ўрганиб чиқилиб, ечими юзасидан аниқ чоралар кўрилмоқда.
Жорий йилнинг 15 февраль куни мурожаатга асосан Поп туманида Миллий гвардия ва ИИБ ходимлари ҳамкорлигида ўтказилган рейд тадбири натижасида ушбу туманда яшовчи 1979 й.т. фуқаро Т.А. ўзининг қурилиши тугалланмаган хонадонида қиморхона ташкил қилганлиги аниқланган. Тадбир давомида ушбу фуқаро ўзининг танишлари бўлган фуқаролар Қ.Ғ. ва Ў.С. ларга “қимор” ўйнаш учун шароит яратиб, ҳар бир ўйиндан 10 000 сўмдан жами 80 000 сўм пулларни олган вақтда холислар иштирокида қўлга олиниб, далилий ашё сифатида ўртада бўлган ўйин карталари, 1 770 000 сўм ва уй эгаси А.Т. дан 80 000 сўм пуллар олиниб, баённома расмийлаштирлди.
Ҳозирда ҳолат юзасидан Поп туман ИИБ томонидан терговга қадар суриштирув ишлари олиб борилмоқда.
