ҚИЗҒИН БАҲСЛАРГА БОЙ БЎЛГАН МУСОБАҚА
Миллий гвардия “Динамо” жисмоний тарбия спорт жамияти Қашқадарё вилояти кенгаши томонидан жорий йилнинг 18 март куни Ҳуқуқни муҳофаза қилувчи органлар шахсий таркиби ўртасида спортнинг Қўл жанги тури бўйича мусобақа ташкил этилди.
Унда 6 та жамоа таркибида 80 нафардан ортиқ спортчилар ўзаро беллашдилар. Муросасиз ва қизғин баҳсларга бой бўлган мазкур мусобақада, умумжамоа ҳисобида, 3-ўринни Ички ишлар вазирлиги Қоровул қўшинларига қарашли ҳарбий қисм жамоаси, 2-ўринни Миллий гвардия Қашқадарё вилояти бўйича бошқармаси жамоаси ва фахрли 1-ўринни Қашқадарё вилояти Ички ишлар бошқармаси жамоаси қўлга киритди. Ўтказилган мазкур мусобақа якунига кўра, ўз вазн тоифасида пешқадам бўлган спортчи ва жамоалар диплом ҳамда қимматбаҳо эсдалик совғалари билан тақдирландилар.
