ҚЎЛ ЖАНГИ ТЎГАРАГИ ЭЗГУ МАҚСАД ЙЎЛИДА ХИЗМАТ ҚИЛМОҚДА
Миллий гвардия Навоий вилояти бўйича бошқармаси томонидан ўқувчилар ва уюшмаган ёшларни спортга қизиқтириш, улар орасида соғлом турмуш тарзини тарғиб этиш бўйича бир қатор чора-тадбирлар амалга оширилмоқда. Ёшларнинг бўш вақтларини мазмунли ташкил этишни кўзда тутиб жойларда ташкиллаштирилган спорт секциялари мунтазам равишда спорт ишқибозлари учун фаолият юритмоқда.
Жумладан, Навоий шаҳрида Миллий гвардия маъмурий биноси спорт залида ҳам 50 нафардан ортиқ ижтимоий ҳимояга муҳтож оила фарзандлари ҳарбий хизматчи ва ходимларининг фарзандлари билан бир қаторда спортнинг “Қўл жанги” тури бўйича машғулотларда иштирок этиши йўлга қўйилган. Замонавий жиҳозланган, барча қулайликлар яратилган мазкур даргоҳга қатнайдиган ёшлар Миллий гвардия бошқармаси томонидан махсус кийим бош ва спорт анжомлари билан ҳам таъминланиб, малакали спорт усталари қўл остида камол топмоқдалар.
Спорт мураббийлари раҳбарлиги остида тўгаракда фаол иштирок этиб, муваффақиятга эришаётган ёшлар рағбатлантирилиб, фахрий ёрлиқлар билан тақдирланмоқдалар.
