Қўқонда Миллий гвардия ҳарбий хизматчилари томонидан бир кунда таркибида психотроп моддалар бўлган гиёҳвандлик воситаларининг ноқонуний муомаласи билан боғлиқ иккита ҳолат аниқланди.
22 июль куни Қўқон шаҳрида Миллий гвардия Фарғона вилояти бўйича бошқармаси ҳарбий хизматчилари томонидан ички ишлар органлари ходимлари билан ҳамкорликда тезкор-профилактика тадбирлари ўтказиш чоғида эркин сотилиши тақиқланган кучли таъсир кўрсатадиган дори воситаларининг ноқонуний муомаласи билан боғлиқ иккита ҳолат аниқланди.
Жумладан, “Парпашабоф” маҳалла фуқаролар йиғинида яшовчи 55 ёшли Т.A. дан 10 дона “Тропикамид”, “Зилол” МФЙ да яшовчи 33 ёшли Ж.О. дан эса 140 дан ортиқ “Тропикамид” ва 550 донадан ортиқ “Регапен” ва 280 донадан “Герик” аниқланди ва олиб қўйилди.
Мазкур ҳолатлар юзасидан ички ишлар органлари томонидан терговга қадар текширув ўтказилмоқда.
