ҚЎРИҚЛАШ СОҲАСИНИ ТАКОМИЛЛАШТИРИШГА ДОИР ҚАРОР МАЗМУН-МОҲИЯТИ ТУШУНТИРИЛДИ
Жорий йилнинг 22 февраль куни Ўзбекистон Республикаси Миллий гвардияси Қўмондони ўринбосари полковник М.Ғаниев ҳузурида, барча ҳудудий Қўриқлаш бўлинмалари ходимлари иштирокида видеоселектор тарзида йиғилиш бўлиб ўтди. Унда Ўзбекистон Республикаси Президентининг 2021 йил 20 февраль кунидаги “Ўзбекистон Республикаси Миллий гвардияси Қўриқлаш бош бошқармасини сифат жиҳатдан янги босқичга кўтариш чора-тадбирлари тўғрсида”ги ПҚ-4997-сонли Қарори мазмун-моҳияти шахсий таркибга етказилди.
Мазкур Қарорга мувофиқ, Миллий гвардия Қўриқлаш бош бошқармаси фаолиятида туб ислоҳотлар амалга оширилиши кўзда тутилганлиги, бу борада бажарилиши зарур бўлган вазифалар юзасидан атрофлича тушунчалар берилди. Жумладан, унда Қўриқлаш бош бошқармасининг янги ташкилий тузилмаси ва низоми тасдиқланганлиги, Қўриқлаш бош бошқармаси бўлинмалари фаолиятини янги босқичга олиб чиқиш, ходимларни хизмат ўташлари учун қулай шарт-шароитлар яратиш, уларни касбий маҳорат ва билимларини ошириш ҳамда ходимлар, ишчи ва хизматчиларни ижтимоий ҳимояси борасида бир қатор вазифалар белгиланганлиги айтиб ўтилди.
Шунингдек, 2021-2022 йиллар давомида босқичма-босқич идорадан ташқари ҳарбийлаштирилган соқчилик бўлинмалари фаолиятини тубдан ислоҳ қилиш ва такомиллаштириш, айрим турдаги объектларни қўриқлаш функцияларини ҳарбийлаштирилган соқчилар зиммасига юклаш ҳамда уларни ўқитиш ва махсус воситалар билан таъминлаш чоралари кўрилади.
Йиғилишда, амалга ошириладиган ислоҳотлар натижасида бирон бир шаҳодатланган ходим штатлар қисқариши сабабли ишсиз қолиб кетмаслиги, аксинча шаҳодатланган ходимларни аҳамияти жиҳатидан муҳим ҳисобланган объектларни қўриқлашга жалб этилиши алоҳида таъкидлаб ўтилди.
Қолаверса, ушбу ислоҳотлардан кўзланаётган асосий мақсад биринчи навбатда ходимларни, ишчи ва хизматчиларни ижтимоий қўллаб-қувватлаш масалалари-ни янада такомиллаштириш ҳамда улар томонидан хизмат олиб боришлари учун зарурий шарт-шароитларни яратишдан иборатдир.
Шу билан бирга, келгусида юридик ва жисмоний шахсларнинг мол-мулкини қўриқлашда асосий эътибор, соҳага замонавий техник қўриқлаш воситаларини кенг жорий этишга қаратилиши ҳамда қўриқлаш бўлинмалари моддий таъмино-тини такомиллаштириш, уларни замонавий қурол, техника, махсус воситалар ва техник қўриқлаш қурилмалари билан жиҳозлаш бўйича манзилли чора-тадбирлар амалга оширилиши юзасидан маълумотлар етказилди.
Умуман олганда, мазкур қарорда белгиланган вазифалар ва чора-тадбирлар Қўриқлаш бош бошқармаси томонидан кўрсатилаётган қўриқлаш хизмати си-фатини янада ошириш, объект ва хонадонларни ишончли қўриқловини таъмин-лаш, қўриқлаш бўлинмалари ходимлари, ишчи ва хизматчиларини моддий таъминоти такомиллаштиришга қаратилганлигини кўришимиз мумкин.
