Қуролли Кучларимиз ташкил этилганининг 34 йиллиги ва 14 январ – Ватан ҳимоячилари куни муносабати Миллий гвардия маънавият ва маърифат марказида байрамона тадбир ўтказилиб, унда давлат мукофатлари тантанали равишда ўз эгаларига топширилди
Ўзбекистон Республикаси Президентининг Фармони билан Қуролли Кучларимиз ташкил этилганининг 34 йиллиги ва 14 январ – Ватан ҳимоячилари куни муносабати билан ҳарбий хизматчилар ва ҳуқуқни мухофаза қилиш органлари ходимларидан бир гуруҳи Давлат мукофотлари билан тақдирландилар.
Хусусан, Миллий гвардия тизимларида ўз бурчига садоқат ва намунали хизмат қилиб келаётган бир гуруҳ гвардиячиларни муносиб тақдирлаш ва хизмат вақтида мардлик кўрсатиб ҳалок бўлган сафдошларимизнинг яқинларини байрам билан табриклаш мақсадида тантанали тадбир ташкил этилди.
Тадбирда Миллий гвардия қўмондони генерал-майор Р.Джураев иштиок этиб, шахсий таркибни ва тизим фахрийларини “Ўзбекистон Республикаси Қуролли Кучлари ташкил этилганлигининг 34 йиллиги ҳамда 14 январь – Ватан ҳимоячилари куни” байрами билан табриклаб самимий тилакларини билдирди.
Тадбир давомида Президентимиз Фармони билан мукофотланган 8 нафар гвардиячиларга “Мардлик” ва “Дўстлик” орденлари, “Жасорат”, “Содиқ хизматлари учун” ва “Шуҳрат” медаллари тантанали равишда топширилди.
Ўз ўрнида давлат мукофоти билан тақдирланган гвардиячилар, Ўзбекистон Республикаси Президенти-Қуролли Кучлар Олий Бош қўмондонига ўз миннатдорчиликларини билдиришди.
Тадбирнинг бадиий қисмида Миллий гвардия Ашула ва рақс ансамбли, ҳамда Ўзбекистонда хизмат кўрсатган бир гуруҳ таниқли хонандалар томонидан намойиш этилган байрамона концерт дастури барчага хуш кайфият улашди.
