Республикамиз бўйлаб Миллий гвардия ҳарбий хизматчи ва ходимлари ҳамда уларнинг оила аъзоларини ижтимоий қўллаб-қувватлаш мақсадида сайёр қабуллар ва очиқ мулоқотлар ўтказилмоқда
Ҳарбий хизматчи ва ходимлар ҳамда уларнинг оила аъзоларини ижтимоий қўллаб-қувватлаш мақсадида Ўзбекистон Республикаси Миллий гвардияси Марказий девонининг масъул офицерлари томонидан хизмат сафари давомида учрашув ва очиқ мулоқотлар ҳам бошқа бир қатор тадбирлар ўтказилмоқда.
Хусусан, Хоразм вилоятида "Ватанпарварлик оиладан бошланади" мавзусида ўтказилган учрашувларга ҳарбий хизматчилар, ходимлар ва уларнинг оила аъзолари таклиф қилинди. Суҳбатлар давомида Миллий гвардия марказий девони тарбиявий ва мафкуравий ишлар бошқармаси ва шахсий хавфсизлик бошқармаси масъул ходимлари сўзга чиқишиб, болалар тарбияси, оиладаги муносабатлар, уйдаги вазиятнинг ҳарбий хизматчилар ва ходимларнинг психологик ҳолатига таъсири ва натижада хизмат вазифаларини бажариш сифати ва самарадорлиги масалалари муҳокама қилинди. Учрашувлар очиқ мулоқот муҳитида бўлиб ўтди.
Суҳбатлар якунида ҳарбий хизматчи ва ходимларнинг оила аъзолари учун сайёр қабул ўтказилди. Мурожаатлар бўйича масъул ходимларга кўрсатмалар берилиб, айримлари шу жойнинг ўзида ҳал этилди.
Ҳарбий хизматчилар ва ходимлар ҳамда уларнинг оила аъзоларини ижтимоий қўллаб-қувватлаш тадбирлари доирасида Урганч шаҳридаги 2-оилавий поликлиника базасида чуқурлаштирилган тиббий кўрик ташкил этилди.
