Ўзбекистон Республикаси давлат мадҳияси қабул қилинган кун муносабати билан Миллий гвардия Маънавият ва маърифат марказида “Юракни мадҳ этган садо!” шиори остида тантанали тадбир бўлиб ўтди
Ўзбекистон Республикаси Давлат Мадҳияси қабул қилинганлигининг 32-йиллиги байрамига бағишланган тантанали тадбирда Миллий гвардия қўмондонлиги, тизим таълим муассасаларининг ўқувчи-ёшлари, ҳарбий хизматчи ва ходимлар, шунингдек, ҳамкор ташкилот вакиллари иштирок этди.
Дастлаб ҳарбий оркестр садолари остида давлат мадҳияси барча иштирокчилар томонидан ижро этилди.
Шундан сўнг, тадбирда сўз олганлар Ўзбекистон Республикаси Давлат мадҳиясининг 32 йиллик байрами билан самимий тилаклар билдиришди.
Ўз ўрнида маърузачилар, хусусан Республика Маънавият ва маърифат маркази Маърифат тарғиботчилари жамияти аъзоси сиёсий фанлар доктори, профессор Жўраев томонидан миллий мадҳиямиз – миллатни ҳамиша ўз озодлик йўли, аҳдида собит тутиб турувчи руҳий қувват манбаи, шунингдек, миллатни, халқни бирлаштирадиган, юксалтирадиган енгилмас кучга, юксак ирода ва қатъият, жасорат тимсолига айлантира оладиган қўшиқ эканлиги алоҳида эътироф этилди.
Тадбир сўнгида Миллий гвардия Маънавият ва маърифат маркази Ашула ва рақс ансамбли хонандаларининг Ватанни мадҳ этувчи куй ва қўшиқлари ижроси даврага кўтаринки кайфият бағишлади.
