САЛОМАТЛИК - ТУМАН БОЙЛИК
Юртимизда ҳамон коронавирус инфекцияси батамом йўқ бўлмагани боис, фуқароларнинг карантин қоидаларига мунтазам риоя этишлари учун жойларда профилактик тарғибот ишлари олиб борилмоқда.
Жумладан, Навоий шаҳридаги «Марказий деҳқон бозори»да Миллий гвардия Навоий вилояти бўйича бошқармаси ҳарбий хизматчилари томонидан бозор сотувчиларига карантин қоидаларига риоя қилишлари, озиқ-овқат маҳсулотларини сотишда ва сақлашда гигиения талабларига риоя қилишлари яна бир бор эслатилмоқда. Саломатликни тарғиб қилувчи буклет ва қўлланмаларни намойиш қилиш орқали соғлом турмуш тарзи тарғиб қилинди.
Бундан ташқари, Навоий шаҳри ва Кармана туманидаги жамоат жойларида фуқароларга тиббий ниқоб, қўлқоплар ҳамда антисептик воситалари тарқатилди. Фуқароларга ижтимоий масофа сақлашлари, жамоат жойларида тўпланмасликлари лозимлиги уқтирилди.
Мазкур олиб борилган профилактик тадбирлар фуқаролар осудалиги, аҳоли саломатлиги ва юртимиз равнақига пойдевор бўлиши шубҳасиз.
