Ўзбекистон Республикаси Миллий гвардияси шахсий таркиби ҳам сайловда фаол иштирок этди
Давлат раҳбари - Президентни сайлаш билан боғлиқ ўта масъулиятли жараён мамлакатимиз ҳаётидаги ғоят муҳим ижтимоий-сиёсий воқеа ҳисобланади. Шу маънода, мамлакатимиз келажаги, юртимизнинг янада тараққий этишида давлат раҳбари лавозимига энг муносиб номзодни сайлаш ҳамда бу жараёнда сайловчилар қабул қиладиган қарор юртимиз тинчлиги ва халқимиз фаровонлиги учун муҳим омил бўлиб хизмат қилади.
Бугун Ўзбекистон Республикаси Миллий гвардияси ҳудудий бошқармалари ва ҳарбий қисмларида ҳамда Жамоат хавфсизлиги университетида ташкил этилган сайлов участкаларида ҳам курсантлар, муддатли ҳарбий хизматчилар, ҳарбий хизматчи ва ходимлар, уларнинг оила аъзолари ўзлари учун муносиб бўлган номзодга овоз беришди.
Дарҳақиқат, халқимиз ўз конституциявий ҳуқуқи ва фуқаровий бурчидан фойдаланиб, мамлакатимиз равнақи, халқимиз фаровонлиги учун хизмат қиладиган энг муносиб номзодга овоз беришди.
