САЙЁР ҚАБУЛЛАР ФАРҒОНА ВИЛОЯТИДА
Бугунги кунда инсон манфаатларини таъминлаш, халқ билан очиқ мулоқот қилиш, уларнинг орзу-ниятлари ва ҳаётий муаммоларини бартараф этишга катта эътибор берилмоқда. Ушбу мақсадда жорий йилнинг 9 март куни Фарғона вилоятида Миллий гвардия тизимида хизмат қилиб келаётган ҳарбий хизматчи ва ходимлар ҳамда уларнинг оила аъзолари билан сайёр қабул ташкиллаштирилди.
Мазкур учрашувда вилоят ҳокимлиги, Миллий гвардия қўмондонлиги, вилоят ҳарбий прокуратураси, Маҳалла ва оилани қўллаб-қувватлаш, Халқ таълими, Мактабгача таълим бошқармалари, Бандликка кўмаклашиш маркази мутассади раҳбарлари ҳамда маҳалла фаоллари иштирок этдилар.
Йиғилиш иштирокчиларига дастлаб мамлакатимизда ҳуқуқни муҳофаза қилиш органлари фаолиятига доир амалга оширилаётган ислоҳотлар, ходимлар ва уларнинг оила аъзолари учун яратилаётган шарт-шароитлар ва имкониятлар хусусида сўз юритилди.
Шундан сўнг, очиқ мулоқот тарзида давом этган ушбу учрашувда ҳар бир иштирокчининг мурожаати, таклифлари тингланди. Бу жараёнда фуқаролар томонидан уй-жой билан таъминлаш, бандлик масалалари, имтиёзли кредит олиш ҳамда бошқа ижтимоий муаммолар ўртага ташланди. Ҳар бир мурожаат юзасидан атрофлича ечим изланиб, тегишли ҳуқуқий маслаҳатлар берилди. Барча масалаларнинг ечими юзасидан мутасадди раҳбарларга топшириқлар берилди.
