Андижон вилоятида хизмат вазифасини ўтаб келаётган Миллий гвардия ҳарбий хизматчи ва ходимлари ҳамда уларнинг оила аъзолари билан сайёр қабул ўтказилди
Бугунги кунда инсон манфаатларини ҳимоя қилиш, халқ билан очиқ мулоқат қилиш, уларнинг орзу-ниятларини амалга оширишга катта эътибор қаратилмоқда. Ушбу мақсадда жорий йилнинг 7-июнь куни Андижон вилояти Миллий гвардияси тизимида хизмат қилиб келаётган ҳарбий хизматчи ва уларнинг оила аъзолари билан сайёр қабул ўтказилди.
Мазкур учрашувда бошқарма мутасадди раҳбарлари, Қўриқлаш бошқармаси бошлиғи, Андижон ҳарбий прокурори, Мактабгача ва мактаб таълими бошқармаси ва Бандликка кўмаклашиш маркази мутассади раҳбарлари ҳамда бошқармада хизмат қилиб келаётган ҳарбий хизматчи ва ходимлар ҳамда уларнинг 200 дан ортиқ оила аъзолари ҳамда фуқаролар иштирок этди.
Йиғилиш иштирокчиларига дастлаб ҳарбий хизматчи ва ходимларнинг уларнинг оила аъзолари учун яратилаётган шарт-шароитлар ва имкониятлар хусусида сўз юритилиб, атрофлича маълумотлар бериб ўтилди.
Шундан сўнг, очиқ мулоқот тарзида давом этган ушбу учрашувда ҳар бир иштирокчининг мурожаати, таклифлари тингланди. Ҳар бир мурожаат юзасидан атрофлича ечим изланиб, тегишли маслаҳатлар берилди.
Шунингдек, ҳарбий хизматчи ва ходимларнинг оила аъзоларига мавжуд бўш иш ўринларига ишга жойлашиш, замонавий касб-ҳунар эгаллаш ҳамда олий ўқув юртларида билим олиш бўйича керакли тавсия ва таклифлар берилиб, бир нечта мурожаатлар жойида ҳал этилди.
Қабулда иштирок этган барча иштирокчилар ўзларини қизиқтирган барча саволларига масъуллардан батафсил жавоб олишди.
