САЙЁР ҚАБУЛЛАР – МУАММОЛАР ЕЧИМИГА ХИЗМАТ ҚИЛМОҚДА
Сурхондарё вилоятининг Термиз шаҳрида Миллий гвардия қўмондони ўринбосари полковник С.Мамаюсупов раҳбарлигида сайёр қабул ташкил этилиб, унда Миллий гвардия Қўриқлаш бош бошқармаси бошлиғи ўринбосари полковник З.Бўронов, Миллий гвардия Сурхондарё вилояти бўйича бошқармаси бошлиғи подполковник Ш.Саидов ҳамда Термиз ҳарбий прокурори адлия подполковниги Ш.Тошматов томонидан ҳарбий хизматчи ва ходимлар ҳамда уларнинг оила аъзоларининг мурожаат, муаммо ва таклифлари тингланди. Қабул давомида уй-жойга бўлган эҳтиёж, бандликни таъминлаш, имтиёзли кредит олиш тартиби ҳамда бошқа ижтимоий масалалар бўйича мурожаатлар тўлиқ ўрганилиб, мавжуд муаммоларни ижобий ҳал этиш юзасидан мутасадди раҳбарларга тегишли кўрсатмалар берилди.
Шунингдек, иштирокчиларга қонунда белгиланган ҳуқуқ ва эркинликлардан барча фуқаролар бирдек фойдаланиш имкониятига эга эканлиги тушунтирилиб, ҳуқуқий маслаҳат ва тавсиялар олиш учун исталган вақтда мурожаат этиш мумкинлиги таъкидланди.