СЕНАТОРЛАР ВА ЁШЛАР УЧРАШУВИ
Олий Мажлис Сенатининг Ёшлар, маданият ва спорт масалалари қўмитаси раиси бошчилигидаги сенаторлар Ўзбекистон Республикаси Миллий гвардияси таълим муассасаларига ташриф буюришди.
Мазкур ташриф “Темурбеклар” ҳарбий академик лицейидан бошланиб, улар ўқувчилар учун яратилган шарт-шароитлар билан яқиндан танишишди.
Ёшлар билан ўтказилган учрашув давомида сенаторлар мактабга қабул қилинган Меҳрибонлик уйлари болалари ва Бахт шаҳрида жойлашган республика ўғил болалар ўқув тарбия муассаса тарбияланувчилари билан суҳбатлашишди.
Ташрифнинг кейинги манзили Миллий гвардия Ихтисослаштирилган ўқув маркази бўлди. Ўқув марказидаги инновацион услубда қурилган ҳарбий хизматчиларнинг машғулотлар ўтказиш хоналарига экскурсиялар ташкил этилиб, ҳар бир қаватдаги 3 Д услубида қурилган,тарихдан сўзловчи инсталляциялар ва кутубхона билан таништирилди.
Сенаторлар ёш ҳарбий хизматчиларнинг малакасини ошириш учун амалга оширилаётган мазкур ишларни юқори баҳолаб, тизимли тарзда ёшларнинг ўз устиларида ишлашлари ҳамда компьютер технологиясини яхши ўзлаштиришлари лозимлигини таъкидлашди.
