СИФАТИ КАФОЛАТЛАНМАГАН ДОРИ ВОСИТАЛАРИНИНГ САВДОСИ ОЛДИ ОЛИНДИ
Самарқанд вилоятининг Божхона бошқармаси ва Миллий гвардия ходимлари ҳамкорлигида ўтказилган тезкор тадбирда Самарқанд шаҳри, Спитамен шоҳ кўчасидаги автотураргоҳда фуқаро А.Б. 2 турдаги жами 100 қути сифати кафолатланмаган дори воситаларини сотаётган вақтида қўлга олинди.
Тадбир давомида фуқаро А.Б. автомобилининг юкхонасида бўлган жами 78 қути дори воситаларини ўз ихтиёри билан ходимларга топширди.
Натижада жами 18,2 миллион сўмлик 178 қути дори воситалари ашёвий далил сифатида олиб қўйилди.
Ҳозирда мазкур ҳолат юзасидан божхона органлари томонидан суриштирув ишлари олиб борилмоқда.
