Сирдарё вилоятида Миллий гвардия ходимлари томонидан электроника дўконига бостириб кирган номаълум шахс қўлга олинди.
Жорий йилнинг 8 июнь куни соат 02:22да Сирдарё вилояти Қўриқлаш бошқармаси мониторинг марказига “Электроник информ тренд” МЧЖга қарашли савдо дўконидан “ташвиш” хабари келиб тушган.
Мазкур хабарга кўра, ходимлар воқеа жойига зудлик билан етиб бориб, савдо дўкони кўздан кечирилганда дўконда кириш эшигини калит танлаш йўли билан очиб кирган номаълум шахс борлиги маълум бўлган.
Тезкор ҳаракатлар натижасида гумонланувчи қўлга олинган.
Дастлабки суриштирув ишларида номаълум шахс муқаддам судланган Гулистон шаҳрида яшовчи 29 ёшли фуқаро А.Б эканлиги аниқланган.
Мазкур ҳолат юзасидан терговга қадар текширув ишлари Ички ишлар органлари томонидан олиб борилмоқда.
