СОҒЛОМ ОИЛА – СОҒЛОМ ЖАМИЯТ
Тошкент вилоятининг Чирчиқ шаҳрида ҳарбий хизматчи ва ходимларнинг оила аъзолари билан “Соғлом оила – соғлом жамият” шиори остида чуқурлаштирилган тиббий кўрик ташкиллаштирилди
Ўзбекистон Республикаси Миллий гвардия бўлинмалари ҳамда Соғлиқни сақлаш тиббиёт бирлашмалари ҳамкорлигида ҳарбий хизматчиларнинг оила аъзолари билан “Соғлом оила – соғлом жамият” шиори остида чуқурлаштирилган тиббий кўрик ишлари кенг қамровда ташкиллаштирилиб келинмоқда. Хусусан, жорий йилнинг 13 декабрь куни Тошкент вилояти Чирчиқ шаҳрида жойлашган Миллий гвардия бўлинмаси ва Чирчиқ шаҳар тиббиёт бирлашмаси Кўп тармоқли оилавий поликлиникаси ҳамкорлигида чуқурлаштирилган тиббий кўрик ташкиллаштирилди. Юқори малакали шифокорлар томонидан кўрик ўтказилиб тиббий маслаҳатлар берилди. Иштирок этган ҳарбий хизматчи ва уларнинг оила аъзолар шунингдек турли ёшдаги фарзандлари синчковлик билан тиббий кўрикдан ўтказилди. Поликлиника шифокорлари томонидан ташриф буюрган ҳар бир она билан фарзандларининг соғлиги юзасидан якка тартибда ўтказилган суҳбат давомида тиббий тушунчалар берилди. Доимий равишда мурожаат қилишлари ва мулоқотда бўлишлари учун йўлланмалар тақдим этилди. Тадбир якунида Миллий гвардия бўлинмаси мутасадди раҳбарлари томонидан Тиббиёт ходимларига миннатдорчилик билдирилиб, келгусидаги ҳамкорлик масалалари келишиб олинди.
