Ўзбекистон Республикаси Қуролли Кучлари таркибига кирувчи вазирликлар ва таълим муассасалар шахсий таркиби томонидан яратилган инновацион ҳамда рационализаторлик ишланмалар кўргазмаси бўлиб ўтди.
Мазкур тадбирда Миллий гвардия қўмондонлиги, Инновацион ривожланиш вазирлиги вакиллари, "Ватанпарвар" ташкилоти раиси ўринбосари, Қуролли Кучлар таркибидаги таълим муассасаларининг профессор ўқитувчилари, иқтидорли курсант ва талабалари, илмий изланувчилари шунингдек, Миллий гвардия ҳудудий бошқармалари, ҳарбий қисмларининг катта тажрибага эга бўлган мутахассислари иштирок этди.
Биринчи ўқув нуқта саф майдони бўлиб, вазирлик ва идораларда ҳарбий хизматчи ҳамда ходимлар томонидан ихтиро қилинган 70 дан ортиқ конструкторлик ва илмий инновацион ишланмалар ҳамда Жамоат хавфсизлиги университети 100 дан зиёд дарслик ва қўлланмалар кўрсатилди;
Иккинчи ўқув нуқтада жанговар тайёргарлик ва махсус воситаларни такомиллаштириш бўйича лойиҳалар тақдим этилди;
Учинчи ўқув нуқта автопаркда ташкил этилиб, жанговар ҳарбий техникани ва та енгил машинани такомиллаштириш, жанговар вазифаларни бажаришда янада қулайликлар яратиш бўйича лойиҳалар намойиш этилди.
Шунингдек, ҳарбий хизматчиларнинг жамоат хавфсизлигини таъминлашда жанговар шайликни ошириш мақсадида ўқув тренажёрлар ва дастурий таъминот тақдимоти ўтказилди.
Анжуман сўнгида энг яхши ишланмаларнинг муаллифлари ва кўргазма қатнашчилари Ўзбекистон Республикаси Қуролли Кучлари тизимида Инновацион ва рационализаторлик ишларини ривожлантиришга қўшган ҳиссаси учун Миллий гвардия қўмондонлиги томонидан тақдирланди.
Бу каби ҳамкорликдаги тадбирларнинг ўтказилиши ҳарбий хизматчиларнинг назарий, тактик ва амалий билим , кўникмаларини оширишга, иштирокчиларнинг ўзаро фикр ҳамда тажриба алмашишларига яна бир замин яратмоқда.
