“Қўриқлаш” бўлими ходимлари аёлга таҳдид қилган эркакни қўлга олди
Тошкент шаҳрининг Яккасарой туманида мазкур туман “Қўриқлаш” бўлимининг тезкор ҳаракатланувчи гуруҳи ходимлари хизмат вазифасини бажараётиб, “Салар” канали ёнида бир эркак ва бир аёлга дуч келишган. Ушбу икки нафар фуқаронинг баланд овоздаги мулоқоти ва имо-ишораларига кўра ўртада можаро келиб чиққанлиги аён бўлган. Шундан сўнг, фуқароларга яқинлашган ходимлар эркак аёлга қўлидаги тиғли буюм билан таҳдид қилаётганлигига гувоҳ бўлишган. Фуқаро зудлик билан қўлга олиниб, аёл билан бирга вазиятга ойдинлик киритиш мақсадида энг яқин ички ишлар бўлимига олиб кетилган.
Ҳозирда мазкур ҳолат юзасидан Яккасарой тумани ИИБ томонидан терговга қадар текширув ҳаракатлари олиб борилмоқда.
