Чирчиқ шаҳрида «Қўриқлаш» бўлими ходимлари томонидан 13 тоннадан ортиқ рангли металлар талон-тарож қилиниши олди олинди
Жорий йилнинг 19 апрель куни Тошкент вилояти "Қўриқлаш" бошқармаси ходимлари томонидан ҳаракатланаётган вақтида шубҳа уйғотган MAN русумли юк автомобили кузатилганда, Чирчиқ шаҳридаги "Ўзметкомбинат" АЖ корхонаси ҳудудидаги қора металл қабул қилиш шаҳобчасига кириб тарозидан ўтаётганда тўхтатилиб, текширилади. Холислар иштирокида юк автомобилининг тиркама қисми ўрнатилган тартибда кўздан кечирилганда, давлат мулки бўлган тахминий оғирлиги 13 тоннадан ортиқ химиявий аралашмалар учун мўлжалланган рангли металлар борлиги аниқланади.
Дастлабки суриштирувлар жараёнида юк автомобили ҳайдовчиси 1967 й.т., Чирчиқ шаҳрида яшовчи Ф.Э эканлиги, мазкур юкнинг ҳеч қандай ҳужжатлари йўқлиги маълум бўлади.
Ҳозирда, мазкур ҳолат юзасидан "Қўриқлаш" бошқармаси ходимлари томонидан терговга қадар суриштирув ишларини олиб бориш учун Чирчиқ шаҳар ИИОФМБ га ҳужжатлар тақдим қилинган.
