Тарихий ғалабага муносиб ҳисса қўшганлар
Қўл жанги спорт турининг халқаро ареналар тарихидаги 6-жаҳон чемпионати мамлакатимизда илк маротаба ўтказилаётганлиги ва ушбу халқаро турнир йилнинг энг яхши мусобақаси бўлиши кутилаётганлиги тўғрисида хабар берган эдик.
Пойтахтимизнинг Юнусобод спорт саройида 5-6-7 июнь кунлари 30 дан ортиқ хорижий давлатлардан ташриф буюрган 200 дан ортиқ спортчилар ўртасида қизғин ва муросасиз жангларга бой тарзда ўтган ушбу мусобақа спортчиларимизнинг тарихий ғалабаси билан якунланиб, Ўзбекистон аҳолисига байрамона кайфият улашди.
Ушбу мусобақада ғолиблик учун беллашиб 8 та олтин, 11 та кумуш ва 11 та бронза медалларини қўлга киритиб умумжамоа ҳисобида биринчи ўринни қўлга киритган спортчиларимиз ҳамда мураббийларнинг хурсандчилигини тарифлаш қийин албатта.
Қўл жанги терма жамоаси таркибида иштирок этган Миллий гвардия ҳарбий хизматчиларидан 55 ва 70 кг вазн тоифасида олтин медални қўлга киритиб жаҳон чемпиони бўлган Мафтуна Қувондиқова ва Ким Сабиналар, 70кг вазн тоифасида кумуш медални қўлга киритган Умида Абдуллаева, 46 ва 75 кг вазнларда бронза медали соҳибалари Шириной Зохидова ҳамда Эмине Шмыковалар, шунингдек 80 кг вазн тоифасида Муслимбек Хасанов бронза медалини қўлга киритиб, жами 2 та олтин, 1 та кумуш ва 3 та бронза медалларига эгалик қилган ва тарихий ғалабага муносиб ҳисса қўшган сафдошларимизни Миллий гвардия қўмондонлиги ва шахсий таркиби самимий қутлайди!
Келгусида қўл жанги спорт тури бўйича эришган ғалабалари билан халқаро ареналарда Ўзбекистон байроғини юқори чўққиларга кўтаришда улкан зафарлар тилаймиз.
