Тошкент вилоятида Миллий гвардия томонидан оталиққа олинган ёшлар билан ватанпарварлик тадбирлари ўтказилди
Миллий гвардия Тошкент вилояти бўйича бошқармаси ҳарбий прокуратура билан ҳамкорликда Нурафшон шаҳри, Ўртачирчииқ ва Пискент туманларидаги оталиққа олинган ёшлар билан “Ҳарбий қисмда бир куним” шиори остида ватанпарварлик тадбири ташкил этилди. Тадбир давомида очиқ эшиклар куни, қурол аслаҳалар кўргазмаси, от миниш маҳорати, камондон отиш каби спорт ва маънавий-маърифий тадбирлар ўтказилди. Шунингдек, ёшлар дала шароитида ҳарбийлар ошхонасида тушлик қилишиб, ҳарбийча ҳаёт билан яқиндан танишишди. “Раҳбар ва ёшлар учрашуви”да ҳар бир ўғил қиз билан уларнинг қизиқишлари, ижтимоий муаммолари юзасидан суҳбатлашилди. Тадбир сўнгида кун давомида ўтказилган тадбирларда фаол бўлган ва мусобақаларда ғолиб бўлган ёшлар ташкилотчиларнинг диплом ва совғалари билан рағбатлантирилди.
