Тошкент вилоятида Наврўз тантаналари давом этмоқда
Тошкент вилоятида Наврўз муносабати билан ўтказилаётган тантанали маросимлар давом этмоқда. Хусусан, 22 март Маҳалла тизими ходимлари куни муносабати билан Зангиота туманининг Назарбек МФЙдаги маҳалла идораси ҳамда тез тиббий ёрдам ходимлари учун қурилиб битказилган янги биноларнинг топширилиши туман аҳолиси учун байрамона туҳфа бўлди.
Тадбирда Тошкент вилоят ҳамда туман ҳокимликлари, Миллий гвардия ва сектор мутасадди раҳбарлари иштирок этишди.
Янги маҳалла биносининг очилиши, ушбу ҳудуддаги кам таъминланган оила фарзандлари учун суннат тўйлари ўтказилиши ҳақиқий байрамга айланди. Тадбирда Миллий гвардия ашула ва рақс ансамбли, туман Маданият бўлими ва эстрада хонандалари иштирокида катта концерт дастури байрамона кайфият улашди.
Болажонларга совға қилинган велосипедлар бўлса, уларнинг хурсандчилигига сабаб бўлди.
