ТУНДАГИ ЎҒИРЛИКНИНГ ОЛДИ ОЛИНДИ
Жорий йилнинг 28 март куни тунги соат 02.19 да Тошкент вилояти Бўстонлиқ туманида Миллий гвардия Қўриқлаш бошқармаси 3 бўлинмасининг Техник қўриқлаш пункти томонидан қўриқланаётган Ғазалкент шаҳри Лутфий кўчасидаги хусусий корхоналарнинг бирига тегишли бўлган озиқ-овқат дўконидан “ташвиш” хабари келиб тушган.
Тезкор ҳаракатланувчи гуруҳ ходимлари хабар олинган жойга белгиланган вақтда етиб бориб, дўкон кўздан кечирилганда унинг кириш эшиги қулфи бузиб очилганлиги ва ичкарида номаълум шахс юрганлиги аниқланган. Ушбу шахс ходимлар томонидан қўлга олиниб дастлабки ўрганиш ишлари олиб борилганда у Ғазалкент шаҳрида яшовчи 2001 йилда туғилган фуқаро А.К. эканлиги маълум бўлган.
Ҳозирда мазкур ҳолат юзасидан Бўстонлиқ туман ИИБ масъул ходимлари томонидан суриштирув ишлари давом эттирилмоқда.
