Урганч шаҳрида “Қўриқлаш” бўлими ходимлари томонидан ўткир тиғли жисмдан жароҳатланган фуқарога биринчи тиббий ёрдам кўрсатилди
8 июль куни соат 17:47 да Урганч шаҳар “Қўриқлаш” бўлимига Хива кўчасида жойлашган “Океан” кафесидан “ташвиш” сигнали келиб тушди. Воқеа жойига тезкор ҳаракатланувчи гуруҳ бир неча дақиқа ичида етиб борган. Ходимлар кафеда пичоқланган эркакни аниқлаб, тез ёрдам чақиришган ва шифокорлар етиб келгунга қадар жабрланувчига биринчи тез тиббий ёрдам кўрсатишган.
Шундан сўнг, жароҳатланган С. М. касалхонага ётқизилган, можаронинг яна икки иштирокчиси тезкор ҳаракатланувчи гуруҳ ходимлари томонидан қўлга олинган ва Урганч шаҳар ИИБга олиб кетилган, ҳозирда тергов ҳаракатлари олиб борилмоқда.
