Хизмат автотранспортларининг куз-қиш мавсумига тайёргарлиги текширилди
Миллий гвардия марказий девони томонидан қурол-яроғ ва техниканинг куз-қиш мавсумига ўтиш бўйича комплекс чора-тадбирлар амалга оширилмоқда.
Бугун Тошкент шаҳар ИИББ, Фавқулодда вазиятлар бошқармаси ва Йўл ҳаракати хавфсизлиги бошқармаси ходимлари куз-қишки мавсумида транспорт воситаларидан фойдаланишга ўтиш бўйича комплекс чора-тадбирлар доирасида ҳайдовчилар ва ҳарбий хизматчилар билан профилактик суҳбатлар ўтказди.
Тадбир иштирокчилари эътиборига Ўзбекистон Республикаси Вазирлар Маҳкамасининг 2022-йил 12-апрелдаги “Йўл ҳаракати қоидаларини тасдиқлаш тўғрисида”ги қарори қоидалари етказилиб, Йўл ҳаракати қоидаларига киритилган ўзгартиш ва қўшимчалар тушунтирилди. Шунингдек, ҳарбий хизматчилар ва ҳайдовчиларга куз-қиш мавсумида автотранспорт воситаларини бошқаришнинг ўзига хос хусусиятлари бўйича кўрсатмалар берилди.
Комплекс чора-тадбирлар доирасида автотранспортнинг ҳолати техник кўрикдан ўтказилиб, барча зарур жиҳозлар, биринчи тиббий ёрдам қутиси ва бошқа жиҳозларнинг тўлиқлиги текширилди.
Қурол-яроғ ва техникаларни куз-қишки мавсумига ўтказиш бўйича ишлар давом этмоқда.
