Қуролли Кучларимизни ташкил топганлигининг 33 йиллиги ҳамда 14 январь — Ватан ҳимоячилари куни байрами муносабати билан бугун, Янги Ўзбекистон боғида “Мен ғолиб” шиори остида югуриш мусобақаси ташкил этилди.
Соғлом турмуш тарзини тарғиб қилиш, Қуролли Кучлар ва ҳуқуқни муҳофаза қилувчи органларидаги ҳарбий хизматчи ва ходимларни жисмоний тарбия ва спорт билан мунтазам шуғулланишга жалб этиш ҳамда улар ўртасида югуришни оммалаштириш мақсадида бўлиб ўтган марафонда икки мингга яқин иштирокчилар қатнашди.
Шу билан бир қаторда, Ўзбекистон Енгил атлетика Федерацияси бошчилигида ташкил этилган мусобақада профессионал ҳамда ҳаваскор спортчилар ҳам ўз омадини синаб кўришди.
Мусобақада 3 км ҳамда 10 км масофаларга югуриш бўйича аёллар ҳамда эркаклар ҳамда оилавий жамоалар ғолиблик учун кураш олиб боришди.
Мусобақа натижаларига кўра Қуролли кучлар тизимидаги таълим муассасалари бўйича аёллар ўртасида 3-ўринни Божхона институти, эркаклар ўртасида ФВВ Академияси жамоаси эгаллаган бўлса, 2-ўринга аёллар ва эркаклар ўртасида Жамоат хавфсизлиги университети жамоаси қўлга kiritdi.Faxrli 1-ўрин бўлса аёллар ўртасида ИВВ Академияси, эркаклар ўртасида Ўзбекистон Қуролли Кучлари академияси жамоасига насиб этди.
Шунингдек, Аёллар ва эркаклар ўртасида умумжамоа ҳисобида 3-ўринни ИИВ жамоаси қўлга киритди. 2-ўрин бўлса, аёллар ўртасида Миллий гвардия жамоаси, эркаклар ўртасида Давлат хавфсизлик хизмати жамоасига насиб этди. Аёллар ва эркаклар ўртасида фахрли 1-ўринни Мудофаа вазирлиги жамоаси эгаллади.
Шу билан бирга, марафонда 50 ёшдан катталар ўртасида бўлиб ўтган баҳсларда Миллий гвардия вакили Камол Тошпўлатов 1-ўринни қўлга киритди ҳамда оилавий югуриш баҳсларида ҳам Миллий гвардия ҳарбий хизматчиси Марат Баширов оиласи ғолибликни қўлга киритди.
