УЮШМАГАН ЁШЛАРНИ БИР МАҚСАД САРИ БИРЛАШТИРГАН МУСОБАҚА
Ёшларнинг спортга бўлган қизиқишларини ошириш, соғлом турмуш тарзини тарғиб этиш мақсадида, Нукус шаҳридаги маҳаллаларда истиқомат қилувчи уюшмаган ёшлар иштирокида спортнинг мини футбол тури бўйича Қорақалпоғистон Республикаси Давлат Солиқ бошқармаси билан биргаликда “Қорақалпоғистон Республикаси бўйича Миллий гвардия бошқармаси бошлиғи кубоги” учун спорт мусобақаси ўтказилди.
Мазкур спорт мусобақасида 8 та маҳалланинг уюшмаган ёшлари қатнашиб, жисмоний имконият ва маҳоратларини намойиш этдилар. Мусобақа якунида учинчи ўринни “Қўш булоқ” маҳалласи, иккинчи ўринни “Темир йўл” маҳалласи, биринчи ўринни “Дўстлик маҳалласи” жамоалари қўлга киритди.
Мусобақа якунида ғолиб жамоаларга Қорақалпоғистон Республикаси бўйича Миллий гвардия бошқармаси ва Қорақалпоғистон Республикаси Давлат Солиқ бошқармаси бошлиқлари томонидан кубок, медаль ва қимматбаҳо совғалар топширилди.
Ташкиллаштирилаётган бундай тадбирлар ёшларни бир мақсад сари жамлаш, уларни ватанпарварлик руҳида тарбиялаш, қалбларида юрт тақдирига дахлдорлик ҳиссини ошириш ва спортга жалб қилиши билан аҳамиятлидир.
