Бухоро шаҳридаги “Кўҳна ва боқий Бухоро” мажмуасида 3000 дан ортиқ ёшлар ва маҳаллий аҳоли иштирокида 3 кмга юриш марафони бўлиб ўтди.
Мутахассисларнинг фикрича ҳафта давомида атиги 2,5 соатлик жисмоний фаоллик эрта ўлим ҳолатларини 28 фоизга, юрак касалликлари эҳтимолини эса 20 фоизга камайтирар экан. Ҳафтада камида 150 дақиқа жисмоний фаол бўлган инсон кам ҳаракатланадиганларга қараганда соғлом бўлади.
Шу маънода, Бухоро шаҳридаги “Кўҳна ва боқий Бухоро” мажмуасида юриш марафони ташкил этилди.
Юриш марафонида вилоятнинг 3000 нафардан ортиқ ёшлар ва маҳаллий аҳоли иштирок этди. Тонгги соат 7:00 да старт олган марафонда спортсеварлар мажмуанинг сўлим боғ йўлкалари бўйлаб. умумий ҳисобда 3 километр масофани босиб ўтдилар. Мингдан ортиқ арча, сасна, чинор, гужум сингари дарахтлар билан тўла боғнинг тонгги мусаффо, кислородга тўйинган ҳавоси марафон иштирокчиларига яхши кайфият бағишлаш билан бир қаторда, саломатлигига ижобий таъсир ҳам кўрсатди.
Бу каби марафонлар фуқароларнинг жисмоний фаоллигини ошириш орқали меҳнат самарадорлигини яхшилашга, шунингдек, ёшлар ўртасида соғлом турмуш тарзини кенг тарғиб этишга кенг замин яратмоқда.
