Миллий гвардия минтақавий ўқув марказларида тингловчиларнинг битирув кечасига бағишланган тантанали маросим бўлиб ўтди
Мамлакатимизда шахс, жамият ва давлатга тегишли объектларни, жисмоний ва юридик шахсларни мол-мулкларини ишончли қӯриқлашни такомиллаштириш учун зарур шарт-шароитларни яратиш шунингдек, Ўзбекистон Республикаси Миллий гвардияси "Қўриқлаш" бош бошқармаси фаолиятини самарали ташкил этиш мақсадида ходимларнинг касбий маҳоратлари оширилиб келинмоқда.
Жумладан куни кеча Миллий гвардия Фарғона вилояти ҳамда Қорақалпоғистон Республикаси минтақавий ўқув марказларида бошланғич тайёрлаш ўқув режаси ва дастури асосида Ўзбекистон Республикаси Миллий гвардияси "Қўриқлаш" бош бошқармаси сафдорлар таркибида хизмат қилаётган ходимлар ҳарбий қасамёдга келтирилди.
Шунингдек, ўқув йиғинини муваффақиятли тамомлаган навбатдаги бошланғич тайёрлаш ўқув режаси ва дастури асосида Миллий гвардия "Қўриқлаш" хизмати ҳарбийлаштирилган қоровуллик лавозимларидаги ишчи-хизматчилари ўқув курсини муваффақиятли тамомлаб, уларга тантанали равишда сертификатлар ва ўқув маркази нишонлари топширилди.
Шунингдек, ўқув йиғини давомида ӯқиш ва жамоат ишларида фаол иштироки ҳамда тенгдошларига ўрнак кўрсатган тингловчилар фахрий ёрлиқлар билан тақдирланди.
Тадбирда Миллий гвардиянинг минтақавий ӯқув марказлари раҳбарияти сўзга чиқиб, тингловчиларга тарихий, маънавий ва сиёсий нуқтаи назардан катта аҳамиятга эга бўлган ориятини ғурур ва садоқатини ҳамма нарсадан устун қўядиган йигитлик шаъни, ору номусини ўртага қўйиб, ўз зиммасидаги масъулиятли ва шарафли вазифани адо этишга бел боғлаб аҳду паймон қилиш маросими эканлигини таъкидлаб ўтди.
