Жиноят содир этгани учун қидирувда бўлган беш нафар шахс кузатув камералари орқали аниқланиб қўлга олинди
Жиноят содир этгани учун қидирувда бўлган беш нафар шахс кузатув камералари орқали аниқланиб қўлга олинди
Жорий йилнинг 14-19 сентябр кунлари давомида Миллий гвардия ҳарбий хизматчи ва ходимлари томонидан жиноят содир этгани учун ички ишлар органлари томонидан қидирувда бўлган беш нафар шахс қўлга олинди.
Жумладан, 14-сентябрь куни Яккасарой туманидаги меҳмонхоналардан бирида Қўриқлаш бўлими ходимлари Тошкент шаҳар ИИБ ходимлари билан ҳамкорликда 43 ёшли M.A. ни қўлга олишди. Ушбу фуқаро Ўзбекистон Республикаси Жиноят кодексининг 167-моддаси (“Ўзлаштириш ёки растрата йўли билан талон-торож қилиш”) да назарда тутилган жиноятни содир этганлик учун қидирувда бўлган.
Шу куни пойтахтнинг Яшнобод туманидаги масжидда фирибгарликда гумон қилиниб қидирувда бўлган 49 ёшли К.М.,
Бухоро деҳқон бозорида ўғирликда гумон қилиниб қидирувда бўлган 43 ёшли фуқаро Х.О., лар ҳам қўлга олинди.
Жорий йилнинг 16-сентябрь куни Пойтахтнинг Олмазор туманида “Корзинка” супермаркети ёнида “Қўриқлаш” хизмати ходимлари томонидан фирибгарлик содир этгани учун қидирувда бўлган 38 ёшли Т.С. қўлга олинди.
19-сентябрь куни Тошкент шаҳрининг Юнусобод туманида, “Корзинка” супермаркети ёнида тезкор ҳаракатланувчи гуруҳ ходимлари томонидан жорий йилнинг август ойидан буён ҳуқуқ-тартибот идораларидан яшириниб келаётган 21 ёшли фуқаро К.Ғ. қўлга олинди. Ушбу фуқарога нисбатан безорилик қилгани учун жиноий иш қўзғатилган.
Барча қўлга олинганлар ўрнатилган тартибда ички ишлар бўлимларига топширилган ва тегишлилиги бўйича масъул ходимлар томонидан суриштирув ишлари олиб борилмоқда.
