Жамоат жойида хизмат вазифасини бажараётган ходимларнинг қонуний талабларини бажармаган ҳуқуқбузарга белгиланган тартибда чора кўрилди
Жорий йилнинг 19 ноябрь куни соат тахминан 11:00ларда пойтахтимиздаги "Ўрикзор" савдо комплекси ҳудудида шахси номаълум фуқаро тамаки маҳсулотини истеъмол қилиб, МЖТКнинг 56-1-моддаси талабларини бузган.
Мазкур ҳудудда хизмат вазифасини ўтаётган ҳарбий хизматчилар томонидан ҳуқуқбузар бир неча маротаба огоҳлантирилишига қарамасдан, уларнинг қонуний талабларига бўйсунмаган. Шунингдек, қоидабузар ўзининг исмини нотўғри айтиш ва ҳарбий хизматчиларни масхаралаш шаклида ноўрин ҳаракатларини давом эттирган ҳолда ҳарбий хизматчиларга нисбатан ҳақоратли сўзлар айтиб, уларга қўли билан ташланган ҳамда ҳарбий мулкий-ашёларига зарар етказган.
Шундан сўнг, мазкур фуқаро ҳудудий профилактика инспектори хонасига олиб борилган.
Суриштирув ишлари натижасида фуқаро Тошкент вилоятилик 25 ёшли М.С. эканлиги аниқланган.
Ҳозирда мазкур ҳолат белгиланган тартибда Ички ишлар органлари ҳудудий профилактика инспектори томонидан ўрганилмоқда.
