Миллий гвардия Тошкент шаҳар Қўриқлаш бошқармасида "Уч авлод учрашуви" бўлиб ўтди.
Унда Миллий гвардия Фахрийлар кенгаши раиси ўринбосари, захирадаги подполковник Баҳодир Тошпўлатов, Миллий гвардия Қўриқлаш бош бошқармаси Фахрийлар кенгаши раиси, захирадаги полковник Ойбек Азимов, Миллий гвардия Юридик таъминлаш ва мурожаатлар билан ишлаш бошқармаси бошлиғи полковник Илҳом Турғунов ҳамда Миллий гвардия ҳарбий хизматчиси лейтенант Нодира Казакова иштирок этишди.
Фахрийлар билан учрашиш учун Олмазор, Яшнобод ва Яккасарой туманларидаги умумтаълим мактаблари ҳамда
172-сонли мактабнинг ҳарбий-ватанпарварлик йўналишига ихтисослаштирилган синфлар ўқувчилари ва Миллий гвардия ҳарбий хизматчилари ташриф буюришди.
Тадбирда мактаб ўқувчилари Миллий гвардия сафларида хизмат қилиш, унинг қаҳрамонлари, таълим муассасаларига ўқишга киришда яратилган шарт-шраоитлар билан танишиш, фахрийларнинг ўз Ватанини чинакам ватанпарвари бўлиш нимани англатиши ҳаёт йўлларидаги бой тажрибалари ва узоқ йиллар мобайнида эришган билим ва кўникмалари ҳақидаги фикр-мулоҳазаларини тинглаш ҳамда ўзларини қизиқтирган саволларига жавоб олиш имконини яратди.
Учрашув очиқ мулоқот тарзида ўтказилиб, қизғин муҳокамаларга айланди. Ўзаро эркин ва очиқ мулоқот тарзида кечган мазкур учрашувда ўқувчилар ўз фикрлари билан ўртоқлашдилар, ўзларининг нуқтаи назарларини баён қилиб, шу билан бирга фикрлаш, хулоса чиқариш ва мустақил равишда тўғри қарор қабул қилиш қобилиятини намойиш этишди.
Гвардиячиларнинг жавоб ва мулоҳазалари шубҳасиз, ёшларда ўз келажаги учун масъулият туйғусини уйғотиб, Ватан равнақи ва фаровонлиги ҳар бир фуқаронинг бурчи эканлигини ва албатта юрт ҳимояси нақадар улкан вазифамиз эканини қалбдан ҳис қилдилар.
