“Ватан азиз – жасорат мангу”
9-май “Хотира ва қадрлаш куни” юртимизда кенг миқёсда катта тантаналар билан нишонланиб, 1941-1945 йиллар уруш ва меҳнат фронтида тинчлик учун курашиб ҳалок бўлган жасур ва матонатли ўғлонлар хотираси ёд этилади ҳамда уруш ва меҳнат фронтида жасорат кўрсатган нуронийларимиз эъзозланиши халқимизга хос қадриятлар кўзгуси саналади.
Миллий гвардия қўмондонлиги ташаббуси билан хизмат вақтида ҳалок бўлган ҳарбий хизматчиларнинг оиласини яшаш хонадонига ташриф буюрилди. Марҳум ҳарбий хизматчининг ота-онаси, турмуш ўртоғи ва фарзандлари билан улар кўрсатган жасорат эсга олинди. Ташриф давомида Миллий гвардия Навоий вилояти бўйича бошқармаси ҳамда вилоят ҳокимининг эсдалик совғалари тақдим этилди.
Шу билан бирга сана муносабати билан хизмат вазифасини бажариш чоғида ҳалок бўлган ҳарбий хизматчиларнинг оила аъзоларига моддий ва маънавий ёрдам кўрсатилди.
Шу жумладан, Сардоба сув омборини техноген фалокати оқибатларини бартараф қилишда хизмат бурчини ўташ вақтида ҳалок бўлган оддий аскар Ҳ.Суюнов ва жанговар тайёргарлик машғулотларини бажариш чоғида вафот этган Ўрикзор бригадаси ҳарбий кисмда хизмат қилган катта лейтенант Н.Қувондиқовларнинг яқинларидан хабар олиниб, уларга моддий ва маънавий ёрдам кўрсатилди.
Уларнинг ёрқин хотираси ҳарбий хизматчилар қалбида мангу қолиши, Она Ватан мана шундай жасур ўғлонлари борлигидан ғурурланиши яна бир таъкидланди.
