Ўз O'z Ру En

ВАТАНПАРВАРЛИК ҲИССИ ЁШЛИКДАН БОШЛАНАДИ

Ўзбекистон Республикаси Миллий гвардиясига бириктирилган Юнусобод туман 58-сонли ўрта таълим мактаби ўқувчи ёшлари учун ҳарбий хизматчилар томонидан мунтазам равишда турли экскурсиялар, маданий-маърифий тадбирлар ва спорт мусобақалари мунтазам равишда ўтказиб келинмоқда.
Жумладан, жорий йилнинг 7 апрель куни Соҳибқирон Амир Темур таваллудининг 685 йиллиги муносабати билан пойтахтимизда жойлашган "Темурийлар давлат музейи", Амир Темур хиёбони ва Миллий гвардия Темурбеклар мактаби ихтисослаштирилган академик лицейига саёҳат уюштирилди.
Ташриф давомида ўқувчи ёшларга давлат арбоби ва буюк саркарданинг ҳаёти ва жасорати, шунингдек, унинг ҳарбий санъат, давлат тузилиши ҳамда уни бошқаришга оид бўлган қарашлари, фикр-мулоҳазалари акс этган "Темур тузуклари" китоби ҳақида сўзлаб батафсил маълумот бериб ўтилди. Шунингдек, ўқувчилар Темурбеклар мактабида яратилган шароитлар, дарс жараёнлари билан бевосита танишди.
Тадбир сўнгида, мазкур таълим даргоҳида ўқишни давом эттириш истагида бўлган ўқувчилар қабул жараёни ва тартиби бўйича ўзларини қизиқтирган барча саволларига жавоб олди.

Белгиланган матнни тинглаш учун қуйидаги тугмани босинг Powered by GSpeech