Жамоат хавфсизлиги Университети тарихида илк маротаба "ХАЛҚАРО ТОИФАДАГИ ЎЗБЕКИСТОН УСТАСИ" унвонига эга бўлган курсант, Миллий гвардия ҳарбий хизматчиси
Республика Шарқ яккакурашлари ва жанг санъатларини ривожлантириш маркази томонидан жорий йилнинг 27-28 январь кунлари Тошкент шаҳрида 12 та спорт турлари федерациялари ўртасида “Шарқ яккакурашлари маликаси” республика фестивали ўтказилди. Мазкур мусобақада Жамоат хавфсизлиги университети 4-курсантлар батальони 1-босқич курсанти Нажмутдинова Меҳрангиз Фаёз қизи 2 та йўналиш бўйича яъни: усулларнинг махсус техникаси ва усулларни кўргазмали намойиш этишларни профессионал даражада бажарди. Натижада, фаҳрли биринчи ўринни эгаллаб, “Шарқ яккакурашлари маликаси” танлови ғолибига айланди. Шунингдек, ушбу тадбирда Университет тарихида биринчи марта Ўзбекистон Республикаси Ёшлар сиёсати ва спорт вазирлиги томонидан Нажмутдинова Меҳрангиз Фаёз қизига Хапкидо спорт тури бўйича “Халқаро тоифадаги Ўзбекистон спорт устаси” унвони топширилди.
Миллий гвардия қўмондонлиги ва шахсий таркиби номидан Нажмутдинова Меҳрангизни ғалаба билан самимий табриклаб, хизмати ва мусобақаларида улкан муваффақиятлар тилаймиз!
