Сурхондарё вилоятида хизмат вазифасини ўтаб келаётган ҳарбий хизматчи ва ходимлар ҳамда уларнинг оила аъзоларининг ижтимоий ҳимояси юзасидан Термиз шаҳрида жойлашган “Ёшлар маркази” биносида сайёр қабул ва оммавий учрашув ташкиллаштирилди.
Мазкур қабулда Республика Ҳарбий прокурорининг ўринбосари Қаҳрамон Исроилов, Миллий гвардия қўмондонинг ўринбосари Сарвар Мамаюсупов ҳамда Мудофаа вазирлиги вакиллари, Сурхондарё вилояти Халқ қабулхонаси раҳбарияти ва бошқа мутасадди ташкилотлар вакиллари иштирок этди.
Қабул давомида 435 нафардан ортиқ ҳарбий хизматчилар ва уларнинг оила аъзолари, фуқаролар қатнашиб, уларнинг айримлари ўзларини қийнаётган муаммолари билан мутасаддиларга мурожаат қилдилар.
Оммавий сайёр қабулда 115 та мурожаат келиб тушди, шундан 75 таси жойида ижобий ҳал қилинди, 33 таси бўйича тушунтиришлар берилди ҳамда 7 та мурожаат ижроси алоҳида назоратга олинди.
