Хоразм вилоятида "Мардлар қўриқлайди Ватанни" мавзусида маънавий-маърифий тадбир ўтказилди.
Урганч шаҳридаги Маҳмуд Замахшарий номидаги вилоят ахборот-кутубхона марказида Миллий гвардия Хоразм вилояти бўйича бошқармаси, Қўриқлаш бошқармаси ва Урганч ҳарбий прокуратураси ҳамкорлигида Ўзбекистон Республикаси Қуролли кучлари ташкил этилганлигининг 32 йиллигига бағишланган “Мардлар қўриқлайди Ватанни” мавзусида адабий-бадиий кеча бўлиб ўтди.
Тадбир давомида вилоят “Нуроний” жамғармаси раиси Маткарим Жуманёзов, ахборот-кутубхона маркази директори Раҳимбой Қурбонов ва Миллий гвардия Хоразм вилояти бўйича бошқарма бошлиғининг ўринбосари подполковник Х.Қурбоновлар ҳамда Урганч ҳарбий прокуратураси катта терговчиси адлия капитани А.Алимқулов Ватан ҳимоячилари куни билан табриклаб мавзу юзасидан маъруза қилдилар.
Шундан сўнг сўз олган, кеча давомида Урганч шаҳридаги Анна Герман номидаги болалар мусиқа мактаби ўқувчилари, 18-сон болалар боғчаси тарбияланувчилари, ҳарбий хизматчилар қўшиқ куйлаб, рақсга тушишди, шу билан бирга, Ватан ҳақида ифодали шеърлари орқали барчага байрам кайфиятини улашдилар.
Шуни алоҳида таъкидлаш жоизки Урганч давлат университети академик лицейи ўқувчилари томонидан Спитамен, Жалолиддин Мангуберди ва Амир Темур тимсолларининг саҳнада гавдалантирилганлиги барчанинг эътирофига сазовор бўлди.
