Янги йил арафасида Миллий гвардия қўмондони пойтахтимизнинг Сергели ва Учтепа туманларида истиқомат қилувчи Иккинчи жаҳон уруши қатнашчилари ҳамда фахрийларининг ҳолидан хабар олиб, байрам муносабати билан йўлланган Президент табригини ўқиб эшиттирди.
Бугун Миллий гвардия қўмондони Р.Джураев, Сергели тумани ҳокими Э.Шукуров, қўмондон ўринбосарлари ҳамда бошқа мутасадди раҳбарлар иштирокида Иккинчи жаҳон уруши қатнашчилари ва фахрийлари бўлган 84 ёшли Мальцева Светлана Петровна, 83 ёшли Аскаров Равиль Назарович, 85 ёшли Ананева Нина Антоновна ва Учтепа туманида истиқомат қилувчи 82 ёшли Бурыкин Анатолий Ивановичлар ҳолидан хабар олиниб, байрам муносабати билан йўлланган Президент табриги ўқиб эшиттирилди. Шунингдек, икки миллион сўм миқдорида бир марталик пул мукофоти ва эсдалик совғалари тантанали топширилди.
Қорбобо кийимидаги Миллий гвардия ҳарбий оркестри жамоаси фахрийларимиз, маҳалла аҳолиси ва ёшларга байрамона кайфият улашди.
