Ўз O'z Ру En

ЯНГИ ЎЗБЕКИСТОН ЁШЛАРИ, БИРЛАШАЙЛИК

Навоий шаҳрида жойлашган 12-сонли ИДУМ битирувчилари билан “Янги Ўзбекистон ёшлари, бирлашайлик” шиори остида ёшларнинг ҳуқуқий саводхонлигини оширишга қаратилган “Ватан тақдири менинг тақдиримда” мавзусида семинар-тренинг ўтказилди.
Ушбу семинар-тренинг шаҳар Ёшлар иттифоқи Кенгаши раиси бошчилигида Миллий гвардия, шаҳар прокуратураси ва Мудофаа ишлари бўлими мутасадди раҳбарлари иштирокида бўлиб ўтди.
Мазкур тадбирда сўз олганлар бугунги кунда мамлакатимиз қонунчилигида бўлаётган ўзгаришлар, фуқароларнинг ҳуқуқ ва эркинликлари ҳамда ёшлар ўртасида ҳуқуқбузарлик ва жиноятчиликнинг олдини олишга қаратилган маърузалари билан қатнашдилар. Семинар савол-жавобларга бой тарзда ўтказилди.
Ушбу ташкил этилган семинар-тренинг ёшларнинг ҳуқуқий саводхонлигини бойитиш билан бирга уларнинг қалбида ватанпарварлик, қонунларга ҳурмат ҳиссини уйғотишга хизмат қилади десак муболаға бўлмайди.

Белгиланган матнни тинглаш учун қуйидаги тугмани босинг Powered by GSpeech