ЯНГИ ЎЗБЕКИСТОН – ЁШЛАР НИГОҲИДА
Давлатимиз раҳбари томонидан илгари сурилган бешта устувор йўналиш бўйича Ҳаракатлар стратегиясининг тегишли бандига асосан ёшлар, таълим муассасалари ўқувчилари ва жамоатчилик ўртасида ҳуқуқбузарликларни, терроризм, экстремизм ва бошқа жиноий фаолиятни олдини олишга ва ёшларни ҳуқуқий онги ҳамда ҳуқуқий маданиятини оширишга қаратилган комплекс профилактик-тушунтириш тадбирларини ўтказиш белгиланган, шу муносабат билан Нурафшон шаҳрида шаҳар ҳокимлиги, Чирчиқ ҳарбий прокуратураси, Миллий гвардия Тошкент вилояти бўйича бошқармаси ҳамда шаҳар ёшлар иттифоқи ҳамкорлигида “Янги Ўзбекистон – ёшлар нигоҳида” шиори остида давра суҳбати ҳамда беш муҳим ташаббус доирасида маърифий тадбирлар ташкил этилди.
Тадбир Чирчиқ шаҳар ҳарбий прокуратураси, Нурафшон шаҳар хокимлиги ва Миллий гвардия Тошкент вилояти бўйича бошқармаси масъул вакиллари бошчилигида ташкил этилиб, унда муддатли ҳарбий хизматчилар ҳамда Нурафшон шаҳридаги умумий ўрта таълим мактабларининг ҳарбий-ватанпарварлик йўналишига ихтисослаштирилган синф ўқувчилари иштирок этди.
Кўтаринки руҳда кечган давра суҳбатида ёш аскарлар ва ўқувчилар ўзларини қизиқтирган ҳарбий соҳага оид барча маълумотларга эга бўлишди.
Тадбирнинг иккинчи қисмида иштирокчиларга бешта муҳим ташаббус доирасида расм чизиш, ҳайкалтарошлик, ўймакорлик бўйича маҳорат дарслари ва кўргазмалар ҳамда халқ чолғу асбобларида куй чалиш бўйича чиқишлар намойиш этилиб, фаол иштирок этган ёшларга ташкилотчилар томонидан совға тариқасида китоблар тақдим этилди.
Ўтказилаётган бу каби тадбирлардан кўзланган мақсад бугунги мураккаб глобаллашув даврида жамиятимизда миллий ғоя ва мафкуравий иммунитетни кучайтириш, ёшларни ҳуқуқий онги ва маданиятини ошириш, турли зарарли ғоя ва таҳдидлардан асраш, уларни ўз мустақил фикрига эга иродали, фидойи ва ватанпарвар этиб тарбиялаш, бузғунчи ва зарарли ғоялар, жиноятчилик, гиёҳвандлик, лоқайдлик ва маънавий қашшоқлик кайфиятидан асрашга қаратилган.
