Жорий йилнинг 5 январь куни Қашқадарё вилоятидаги Миллий гваардия бошқармаси ҳудудида замонавий тартибда бунёд этилган от спорти мажмуасининг тантанали равишда очилиш маросими бўлиб ўтди. Мазкур тадбирда, Бош прокурор ўринбосари – Ўзбекистон Республикаси Ҳарбий прокурори  Ш.Узоқов,  Миллий гвардия қўмондонининг ўринбосари С. Мамаюсупов, Фавқулодда вазиятлар вазирининг ўринбосари  К. Абдижалилов, ҳудудий бошқарма бошлиқлари, оммавий ахборот воситалари ходимлари ҳамда кенг жамоатчилик вакиллари иштирок этдилар.

Ўзбекистон Республикаси Президентининг 2021 йилнинг 05 август кунидаги “Чавандозлар мактаблари фаолиятини ташкил этиш чора-тадбирлари тўғрисида”ги 5212-сонли қарорида, Миллий гвардиянинг ҳудудий бошқармаларида от спорти секциялари фаолиятини ташкил этиш масаласи вазифа қилиб белгиланган эди. Мазкур қарор ижросини таъминлаш мақсадида, Ўзбекистон Республикаси Миллий гвардияси Қашқадарё вилояти бўйича бошқармасида, замонавий турдаги от спорт мажмуаси қурилиб, вилоятда от спортини янада ривожлантириш ва оммалаштириш мақсадида, бугун ушбу от спорт мажмуаси фойдаланишга  топширилди.

Бу ерда хизмат отлари билан машғулотлар ўтказиш ва уларни боқиш ҳамда парваришлаш учун барча шарт-шароитлар яратилган.                     

Эндиликда ушбу от спорт мажмуасида, ҳафтанинг ҳар сешанба ва жума кунлари от спортининг мураббийлари томонидан, вилоят ёшларини от спортига бўлган қизиқишларини ошириш мақсадида, доимий равишда машғулотлар ўтказиб борилади.    

Ташкил этилган ушбу тадбир давомида, “Камондан ўқ отиш” спорти тури  бўйича нишонга аниқ отиш машғулотлари, хизмат итларидан фойдаланиш усуллари ҳамда ҳарбий хизматчиларнинг кўргазмали чиқишлари барчага бирдек хуш кайфият улашди.  

Тадбирда иштирок этган ёшларга, Юртимизда бугунги кунда ёшларга қаратилаётган эътибор давлат сиёсати даражасига кўтарилганлиги, яратилган барча шарт-шароитлардан унумли фойдаланишлари, ҳар бир йигит-қиз жамиятда ўз касбининг устаси бўлиб етишиши, миллий аримиямизнинг куч қудрати ва салоҳияти ҳақида тушунча ва тавсиялар берилди. Шунингдек шу ернинг ўзида раҳбар ва ёшлар учрашуви ҳам ташкил этилиб, ёшларнинг фикр ва мулоҳазалари тингланди. Ёшларнинг қизиқтирган саволларига соҳа мутасаддилари томонидан жавоблар берилиб, уларнинг билим ва кўникмаларини янада ошириш мақсадида,   зарурий китоб тўпламлари ва эсдалик совғалари топшрилди.

Бу каби ҳарбий ватанпарварлик руҳидаги тадбирларни ташкил этиш, ёшларнинг тафаккурида  юртга садоқат ва она ватанга муҳаббат туйғусини янада шаклланишига хизмат қилади.