ЁШЛАР БАНДЛИГИНИ ТАЪМИНЛАШ ЙЎЛИДА
Жорий йилнинг 14 февраль куни Навоий вилоятида Миллий гвардия, Ҳарбий прокуратура, Мудофаа ва Фавқулодда вазиятлар бошқармалари ҳамкорлигида эҳтиёжманд оилаларни ва уюшмаган ёшларни қўллаб-қувватлаш, уларни ҳарбий қисм ва муассасалардаги бўш иш ўринларига жойлаштириш орқали бандлигини таъминлашга кўмаклашиш мақсадида меҳнат ярмаркаси ташкил этилди.
Тадбирда 50 нафар ишсиз ва уюшмаган ёшларга вилоят Мудофаа ишлари бошқармаси, унинг туман ва шаҳар бўлимларида ҳамда вилоят Фавқулодда вазиятлар бошқармасида мавжуд бўш иш ўринларига жойлашиш учун йўлланмалар берилди. Шу жойнинг ўзида уларнинг 44 нафари билан меҳнат шартномаси имзоланишига эришилди.
Шунингдек, Миллий гвардия Қўриқлаш бошқармаси таркибидаги ҳарбийлаштирилган қўриқлаш хизматига 90 дан ортиқ уюшмаган ёшларга касбий танловда иштирок этиш учун йўлланмалар берилиб, тадбирга танлов ҳайъати таркиби ҳам таклиф этилди ва хизматга кириш истагидаги ҳар бир номзод билан ўтказилган танловнинг суҳбат босқичида 40 нафар ёшлар муваффақиятли ўтишди. Яқин кунларда уларнинг жисмоний тайёргарлик синовини яхши баҳоларга топширганлари хизматга қабул қилинади.
